MISSHA - Two in One Fit-In Gel Liner

The Face Shop - Lesson 02. Slim Long Mascara

Хаанаас авсан: The Face Shop

Үнэ: 18000-22000₮ -ийн хооронд байсан санагдаж байна, яг таг санадаггүй ээ уучлаарай.

Маш нарийн ба уян хатан түрхэгчтэй энэ сормуусны будгаар зовхиндоо маш ойр, нимгэн будаж болдог. Давхар маш нимгэн контур зовхинд үүсдэг. Мөн нарийн тул доод сормуусыг будахад хялбар болгож өгдөг. Усны хамгаалалтгүй. Сормуусыг бараг будаагүй юм шиг, цаанаасаа урт , хар харагдуулдаг. Нямбай хүнд тохирохоор эд байна лээ. Хэрэглэж суртал хэд хоносон ч яг сайн түрхэхээр гоё болдог юм байна. Өдөр тутмын, огт будаагүй юм шиг будалтад их тохиромжтой.

Tony Moly - Perfect Eyes, Volume Bomb

Хаанаас авсан: Tony Moly

Үнэ: 13800₮

L'Oreal -н телескопик шиг жижиг. Яахаь гайгүй ээ, нүдний хоёр булангийн сормууснуудыг будах их хэцүү байдаг. Ширхэг бүрийг нь будахад зүгээр. Над шиг залхуу хүнд жижиг жижгээр нь будах гэсээр байтал гар чилээд ((:

Хар батга хэрхэн үүсдэг ба яаж арилгах вэ?

Хар батга гэдэг нь хэт онгойсон нүх дээр элдэв бохирдол, үхжсэн арьс орон бөглөхийг хэлдэг. Нэр нь хар боловч зарим тохиолдолд шар байдаг. Хар батганы үүсэлд арьсны халим /sebum/ маш их үр нөлөөтэй. Sebum буюу арьсны халим нь үс арьсыг чийгшүүлэх үйлчилгээтэй, тослог ялгаруулагч булчирхай юм. Арьсан дээр хуримтлагдсан бохирдол халимын ялагаруулж буй тослог хэсэгт нэвтрэн хүрвэл, яг тэр хэсэгт онгорхой нүх сүв байхгүй байвал цагаан батга үүсдэг. Хэрэв нүх байвал хар батга үүсдэг байна.

Хар батгыг маш сайн арилгадаг хэн ч хийж болохоор нэгэн маскийг танилцуулъя

1 халбага давс + 1 халбага гаатай шүдний оо = сайтар хутгаад хар батгагтай хэсэгт тавин 5 минут хүлээнэ. Дараа нь үл ялиг усаар дэвтээж байдааг 5 минут иллэг хийнэ. Угаасны дараа мөсөөр арчиж нүхийг агшаана. Маш хялбар байгаа биз?

Үр дүнгээ хуваалцаарай (:

Та RainbowGl группт нэгдэхийг хүсвэл энд дараарай

Thermal Protectants - Халуун индүү & хайч & сэнсээс үсээ хамгаалах нь

Хэрэв та үсний индүү, хайч, сэнс зэргийг тогтмол болон зарим тохиолдолд ашигладаг бол ЗААВАЛ халуун хэмийн хамгаалагч цацлага үсэндээ цацаж байж янзалж байгаарай. Анх ийм төрлийн бүтээгдэхүүнүүдийн талаар сонсоод бас нэгэн мөнгө олох гэсэн арга байх гэж боддог байлаа. Үсний салаа арилгах, хөвсийлгөх үйлчилгээтэй шампунь, маск, ангижируулагч гэх мэт бүтээгдэхүүнүүдийн 99.99 хувь нь худлаа ам байдаг. Хүний үс гэдэг цэвэр удамшлын асуудал байдаг байна. Гэвч саяханаас сонирхолтой санагдаад яг ямар шинжлэх ухааны үндэслэлээр бүхэл бүтэн 200 хэмээр түлж, шатааж байхад хамгаалдаг юм бол гээд судаллаа л даа. 

Үндэслэлүүд:

1. Халуун юмаар хайрахад үсэн дахь уураг задарч, ууршин алга болж байдаг. Уураг гэж яг юу вэ гэхээр маш олон жижиг жижиг амино хүчлүүдийн нэгдэл юм. Эдгээр амино хүчлүүд дотроо маш олон буюу хорь гаруй төрөл байдаг. Бүгд нэг зохион байгуулалтанд орж пептидүүдийн тусламжтайгаар гинжин хэлхээ үүсгэвэл тэр нь Protein буюу уураг болно. Kerasys энэ тэр гээд кератин /уурагны нэг төрөл/, коллаген /мөн л уураг/ ба Wheat protein буюу буудан уураг зэрэг нь үсний уурагаас /амино хүчлийн нэгдлүүдээс гэсэн үг шүү дээ/ хэд дахин том учир ХЭЗЭЭ Ч САЙНААР НӨЛӨӨЛЖ ЧАДАХГҮЙ. Химийн ангийн ямар ч оюутнаас асуусан болно: нэг элементийг ижил төстэйгөөр нь нөхөхийн тулд хэмжээ асар чухал байдаг.

Үсний уурагтай ижил хэмжээний буюу наалдан нөхөн төлжүүлэх, хамгаалах үйлчилгээ үзүүлэх чадвартай уургийг HYDROLYZED PROTEIN гэдэг. Чухам яг энэ уураг ихэнх халуунаас хамгаалах цацлагуудын гол найрлага болдог байна. Тэгэхээр цацсаны дараа үсээ индүүдэж, хайчлахад үсийг хамгаалсан уурагны бүрхэвч үүсгэж гэмтлээс сэргийлдэг байна.

2. Халуун нөхцөлд ус ууршдгийг бид бүгд мэднэ. Үсээ ч мөн адил сайн дураараа шатаах явцад үсийг бүрдүүлэгч усны талаас илүү нь алга болдог. /100 цельсд ус буцалдаг, үсний индүү, хайч үүнээс 1.5-3 дахин халдаг./ Дээр дурьдсан уурган бүрхэвч усны алдагдлыг 80 хүртэлх хувиар бууруулж чаддаг нь тогтооджээ.

Тэгэхээр залхууралгүй халуунаас хамгаалагч хэрэглэж байгаарай. Надад байдаг 2 хамгаалагч:

PANTENE - HEAT DEFENSE GLOSS SPRAY - Гранд Плаза-н нэг давхрын супермаркет-д 9600₮

TAFT - HEAT SPRAY 5800₮ - Гранд Плаза-н супермаркет

Одоо УБ-т гайгүй элбэг болж байгаа байх. Хичнээн хамгаалагч цацаад цацаад та өдөр тутам үсээ түлдэг бол яах ч аргагүй байх даа. Болж өгвөл байгаа юмыг байгаагаар нь өөд нь татвал (:

Та RainbowGl группт энд дараарай

Нүхжилт - Яагаад үүсдэг ба хэрхэн тэмцэх вэ?

Нүхжилт үүсэхэд нөлөөлдөг хамгийн гол хүчин зүйлсүүд бол: нас, хүйс, арьсны төрөл ба ген байдаг байна.

Үнэхээр удмынх бол /удмын гэхээр хар багаасаа нүхжилттэй арьстай гэсэн үг биш юм байна шүү, харин эцэг эх, гэр бүлийнхэн тодорхой насанд хүрээд цаанаасаа нүхжилттэй болцгоодог тохиолдлыг хэлнэ/ аль болох цэвэрхэн арчлахаас ор тас алга болгох бараг боломжгүй юм. 

Нас: хүний арьс хөгшрөх тусам уян хатан чанараа алдаж, өөрөө нөхөн төлжихөө больдог. Тэгээхээр элдэв бохир ба үхжсэн арьс солигдож чадахгүйгээр арьсны нүхийг сунгаан том нүхжилт, яваандаа нөсөө болон хувирдаг байна. 

Мөн эрэгтэй хүмүүс эмэгтэй хүмүүсийг бодвол нүхжих боломж илүү өндөр, энэ нь тэдний тестостероны хэмжээтэй шууд холбоотой байдаг гэнэ. Бүсгүйчүүдийн сарын тэмдгийн үе, бусад гормоны хэлбэлзлийн үеээр арьсны тос ялгаруулах процесс доголдон мөн нүхжилт үүсдэг гэнэ ээ. "Гэнэ ээ" гэж буйгийн учир нь би хамарны хоёр талын нүхжилтиндээ хэзээ ач холбогдол өгч байгаагүй, аль шилжилтийн наснаас хойш л тийм байсан, манай ээжид ч байдаг. Одоо яая гэх вэ дээ, сайхан цэвэрлээд байхад зүгээр ш дээ. Тийм үзлийн муухай огт санагдаж байсангүй. Гэхдээ Фейсбүүк дээр 5 асуултын нэг нь нүхжилт байдаг мэт санагдаад судалж бичихээр шийдлээ. Санаа зоволтгүй, Cameron Diaz хүртэл нүүр дүүрэн нүхтэй шүү дээ.

1. Нүхжилттэй тэмцэх хамгийн гол арга бол байнга цэвэрхэн байлгах юм. Зүгээр гараараа илж угаалаа гээд нүхнүүдийг сайн цэвэрлэхгүй тул заавал багсаар угаах хэрэгтэй. Нүхжилт элдэв бохирдол цуглуулах тусам улам томордгийг санаарай. 

Нүхжилт нүүрээр нэлэнхүйд тархсан бол томыг:

Tony Moly, face Shop, MISSHA  мөн зарим япон барааны дэлгүүрт харагддаг. Үнийн хувьд 30000-45000₮ хооронд байдаг.

Хэсэгчилсэн нүхжилттэй бол жижиг багс:

Мөн солонгос, япон дэлгүүрүүдээр 12000-25000₮-ийн хооронд харагддаг.

Эсвэл Clairosonic, Clinique, Foreo гэх зэрэг цахилгаан цэвэрлэгч багс бүр дажгүй!

2. Нүх агшаах, за агшаах ч гэж гүн цэвэрлэх үйлчилгээтэй шавар буюу Clay маск долоо хоногт ганц, хоёр удаа тавьж байгаарай.

Миний хамгийн дуртай шавар маск: MISSHA - Black ghassoul

3. Гүн цэвэрлэгчээр цэвэрлэсний дараа мөсөөр 30 секунд жин тавьж байвал яваандаа агшдаг.

4. Тарагаар маск тавьж байгаарай. Цэвэр хөдөөний гоё тараг олдвол нүүрэндээ тавиарай. Тарганд агуулагддаг цэвэр лакто хүчил ба пробиотик-ууд арьсыг зөөлөн, байгалийн аргаар гуужуулж байдаг. Манайхан цайрах зорилгоор ингэж хэрэглэдэг.

5. Хэрэв таны нүүр том том нүхнүүдээс гадна батганы шинэ хуучин сорвиноос огт салахгүй байвал хамгийн нэг дүгээрт мэргэжлийн эмчид үзүүлэх хэрэгтэй. Эмчээсээ бүх юмыг уур нь хүртэл нарийн асуу, яг яагаад, тэгсэн чинь юу болсон гэх зэргээр. Эмч эмийн бэлдмэл бичиж өгвөл хаанахын, яг яадаг ид шидтэй, хэн ямар аргаар оруулж ирсэн гээд бүгдийг бие даан давхар шалган судлах хэрэгтэй. Би багаасаа жаахан бие муутай, эмч нарын бичиж өгсөн хорноос хаширсан. Эм гэснээс таны жирэмснээс хамгаалах эс гормоны тэнцвэрийг алдагдуулан асуудал үүсгэж ч байж болох юм.

6. Би юу идэж ууж байна вэ? Өдөржин ундаа, чихэр, печень энд тэндхийн бэлэн хоол идвэл таны арьс байтугай бие организм тань хэвийн ажиллахаа больдог. Хамгийн тэргүүнд хоол боловсруулах эрхтэн муудна, арьс энэ хоёр шууд хамааралтай. Хелико өөр юу юу ч билээ бактер-с болж нүүрэн дээр нь аймар батгашдаг болсон хүмүүс бүгд том том том нүхнүүдтэй байдаг. Хоол боловсруулах эрхтнээ сайжруулдаггүй юм аа, гэхэд энэ хэвэнд аваад явъя гэвэл заавал маш их ус уугаад цагаан гурил, хэт боловсруулсан бүтээгдэхүүнүүдээс татгалзаарай. 

Үнэртэй усыг хаанаа хэрхэн түрхэх вэ

Үнэртэн хэрэглэдэггүй эмэгтэйд ирээдүй үгүй гэж Coco Chanel хэлсэн байдаг. Үүнтээ мэдээж санал нийлэхгүй ч зэвүүн үг байгаа биз ((:

Үнэртэнг судас ил харагдаж буй хэсэг, мөн хамгийн их хөлөрж буй хэсгээр түрхвэл илүү удаан тогтдог ба үнэрээ агаарт дэгдээх чадвар сайтай болдог.

Үнэртэний төрлүүд:

1. Хатуу үнэртэн/Solid perfume/Perfume balm

Ийм төрлийн үнэртэнг цүнхэндээ авч явах, аялалд явахад тун тохиромжтой. Олон нийтийн газар үнэртэй усаа пшшт пшшт хийтэл нь цацах их бүдүүлэг хэрэг. Хүн бүрт таны үнэртэн таалагдахгүй шүү дээ. Энэ төрлийн үнэртэн үнэрээ маш сайн барьдаг. Хүссэн газраа хайр найргүй түрхээрэй (:

2. Eau De Cologne

Хамгийн хөнгөн, "цэвэрхэн" үнэртэн. Өөртөө 3-5 хувийн л үнэртүүлэгч химийн нэгдлүүдийг агуулдаг. Элдэв хурц үнэрт дургүй, эсвэл харшламтгай арьстай болон нярай хүүхэдтэй эхчүүдэд сайн тохирно. Над шиг пцццццт пццццт гэж бороо оруулж байгаа юм шиг цацаж кайф авдаг хүмүүст мөн зохимжтой, учир нь яаж ч хэтрүүллээ гээд айхтар үнэртэхгүй (: Хүссэн газраа хайр найргүй түрхээрэй (:

3. Eau de toilette

Манайхны хамгийн их хэрэглэдэг үнэртэн байх. Үнэртэн бодисын агууламж 5-10 хувьтай тул хүндэвьэр талдаа ордог.Үнэрээ 4 цаг барьдаг. Гэхдээ хүн хүний арьс өөр тул үнэртэн тогтох хугацаа ч мөн үл ялиг зөрөх нь ойлгомжтой асуудал юм. Хүзүүний ард, урд, бугуйн дотор тал мөн хөлөө ил гаргаж байвал өвдөгний араар түрхээрэй.

4. Eau de parfum 

Үнэртүүлэгч бодисын агууламж нь маш өндөр буюу 10-20 хувьтай байдаг.  Үүнийг хаа хамаагүй цацах юм бол үнэрт мэдрэг хамт ажиллагсад, ойр тойрны бага насны хүүхэд зэргүүдэд маш муухай тав тухгүй байдлыг үүсгэх болно. Энэ джлхий дээр та ганцаараа амьдраагүй, их хотын бүсгүй гэдгээ ухамсарлан бусдыгаа хүндлэх хэрэгтэй шүү. (:

Үнэрээ 6-8 цаг барьдаг ба тодорхой хугацааны дараа үнэр нь үл ялиг өөрчлөгдөн солигдож байдаг. Маш хурц тул хүзүүний урд, бугуйн дотор байхад хангалттай.

5. Parfum

Үнэртүүлэгч бодисын агууламж хамгийн өндөр буюу 20-40 хувьтай байдаг. Үүнийг жижиг хэмжээтэйгээс нь худалдан аваад дусал дуслаар нь бугуй, хүзүү 2т түрхвэл илүү зохимжтой. Маш их үнэртэлүүлэгч бодёстой тул хамгийн үнэтэй үнэртэнд тооцогддог.

RainbowGl ФБ группт нэгдэхийг хүсвэл энд дараарай

LANEIGE - Water Sleeping Pack

Sleeping Pack - гэж солонгосуудын гаргаж ирсэн тавиад унтдаг маскийг хэлдэг. Бүхэл шөнөжин үйлчилгээгээ үзүүлэн өглөө угаах зарчмаар явна. Яг энэ Laneige-ийх чийгшүүлэх зориулалттай. Миний арьс үнэхээр хуурай юу, энэ сайн үйлчилдэггүй юу? - мэдэхгүй юм. Надад мэдэгдэхүйц өөрчлөлт огт гараагүй. Уг нь энэ бүтээгдэхүүн Солонгосдоо хит болж байсан, энд тэнд үүнийг магтсан маш олон шүүмж байсан. Солонгос явсан найздаа захисан ч энд УИД-н нэг давхарт 42500₮ гээд зардаг юм байна лээ.

Evening Skin care - Оройн арьс арчилгаа

Та орой арьсаа хэрхэн арчилдаг вэ?

За бодож бодож бичлэг хийхдээ өөрөө ярихгүй бол болохгүй юм байна гээд ярихыг оролдлоо ((:

Ашигласан бүтээгдэхүүнүүд:

1. THANN - Astringet Toner with Nano Shiso And Algae Extract

Astringent гэхээр энгийн тоникийг бодвол илүү ширүүн, спиртны агууламж өндөртэй байдаг тул долоо хоногт 1 л хэрэглэх хэрэгтэй. Миний арьс дээр юм гараад болихгүй болохоор долоо хоногт 2 хэрэглэж байна. Бэлгэнд авж байсан тул үнийг нь мэдэхгүй юм.

2. Beyond - Avocado Shield Moist Toner

3. Beyond - Organature Eye Cream

4. Beyond - Original Power Recovery Serum

Энэ талаар нийтлэл бичиж байсан тул энд дарж уншаарай (:

5.. Beyond - Avocado Shield Essence

5. Beyond - Avocado Shield Moisturizing Cream

6. Beyond - Avocado Shield Emulsion

Энэ ком маш их таалагдаж байгаа. Би эдгээрийг 2 дахиа худалдаж авсан. Үнийн хувьд боломжийн бүгдийг нь нийлүүлээд авахад 100000₮-с нэг их илүү гарахгүй. Мөн тэд амьтны гаралтай бүтээгдэхүүн, элдэь химийн хүнд нэгдлүүд огт ашигладаггүй онцлогтой.

7. Tea Tree Oil

Харамсалтай нь Улаанбаатраас аваагүй. Зардаг үгүйг нь сайн мэдэхгүй байна.

8. Tony Moly - Dr.Tony Spot Serum

Батга хатаах зориулалттай, өрөвслөөс сэргийлэгч. Үнэ: 19800₮


RainbowGl группь нэгдэхийг хүсвэл энд дараарай

COCONUT OIL буюу наргил модны самрын тосыг гоо сайхандаа ашиглах 7 арга

Маш их хайсны эцэст ийм гоё юм олсноо та нартайгаа хуваалцах маш сайхан байна шүү. Фейсбүүк дээр 2 дэлгүүр зарж байсан ч захиалга дууссан ба 450 граммыг 33000₮-р худалдаалж байсан. Улаанбаатарчууд юмыг хэтэрхий өндөр үнээр худалдаж авсаар хувь заяатайгаа эвлэрсэн хүмүүс гээд захиалчихаад байж байсан чинь яг олдож таардаг байгаа ((:

Энэхүү тос байгалийн гаралтай амино хүчил ба өөхөн хүчлүүдийн хамгийн ихээр агуулагч юм.

1. Будаг арилгагч.

Арьс тань хэт хуурайшаад, эмзэг болоод байвал хөвөнгөө үл ялиг усаар норгос хийгээд багахан тосноосоо аваад нүд, уруулын тод будгуудийг маш сайн арилгаж болдог. Яг энэ аргаар оливын тосыг ч мөн ашиглаж болдог.

2. Үсний чийгшүүлэгч маск & ангижируулагч

Энэ тос хуурай, гэмтэлтэй үсний хамгийн сайн найз юм. Хэдэн жилийн өмнө Шотдандад 10 хонох завшаан гараад, зочид буудлын дэлгүүрээс сонирхож аваад үсээ 10 хоног тасралтгүй өдөр бүр энэ тосоор ангижируулахад 3см шууд ургаад, өтгөн болоод гайхамшгийг үзүүлж байсан. Харамсалтай нь түүнээс хойш огт хэрэглээгүй, мэдээж одооноос бол байнга хэрэглэх болно (:

3-5 халбагыг аяганд аваад хэсэг бүлээцүүлж хутгаад шингэвтэр болгон хуйх, үсэндээ сайтар иллэг хийж түрхээд шүршүүрийн малгай өмсөж 1 цаг байлгана. Хүсвэл ингээд унтчихаж ч болно. Дараа нь үсээ бүлээн усаар сайтар зайлна. Миний сананых зайлах ч тос бараг үлдэггүй, бүгд шингээд алга болчихдог. Үс уналтанд мөн их сайн.

3. Үс хусах тос

 Биеийн илүүдэл үсийг ваксаар авдаггүй, өөрөө хусдаг бол хусах хэсэгтээ нимгэн түрхээд шууд хусахад хамаагүй сайн, зөөлөн элдэв шархны асуудалгүй авагддаг байна. Гэвч үсийг төсөр хусагчаар хусна гэдэг тийм ч сайн зүйл биш. Аль болох ваксдахыг хичээгээрэй.

4. Чийгшүүлэгч

Бүх бие, нүүрний арьсанд тэр чигээр нь чийгшүүлэгч тос болгож түрхэнэ. Наргил модны үнэрт дуртай хүмүүүст маш гоё санагдана. Арьсны хамгийн сайн чийгшүүлэгч тоснуудыг нэг билээ.

5. Гуужуулагч

2 халбага бор сахар, 2 халбага тосоо сайтар холиод маш гоё биеийн гуужуулагчтай болоорой. Яг энэ аргаар наргил модны тос бус оливийн тосоор гуужуулагч хийж мөн болдог.

6. Зовхины тос.

1 халбага тос дээр капсулан Е витаминыг шахан шингэнийг нь гоожуулах, эсвэл цэвэр Е витамины тосноос хэдэн дуслыг хольж гайхалтай сайн зовхины тостой болж болдог. Энэ нь үрчлээстэй тэмцэхээс гадна нүдний доорх хөхрөлтийг эмчилдэг.

7. Нүүр угаагч

1 халбага тос дээр 1 халбага хүнсний сод нэмж сайтар холин байгалийн гаралтай цайруулан чийгшүүлэгч нүүр угаагчтай болж болно.

Та RainbowGl группт энд дарж нэгдээрэй (:

Жирэмсэн бүсгүйчүүдийн болгоомжилвол зохих гоо сайхны бүтээгдэхүүний найрлагууд.

Жирэмсэн эмэгтэй үс, хумсаа будаж болохгүй, хамаагүй зүйлс хэрэглэж болохгүй гэдгийг бүгд мэднэ. Гэвч зөвхөн будагнуудад урагт аюултай орц байдаггүй. Та юу идэж, ууж, түрхэж, бодож санаж байгаа бүхэн ирээдүйд ямар хүүхэдтэй болохыг тодорхойлж байдаг.

1. RETINOID - эдгээр нь нэгэн төрлийн А витаминууд юм шиг байгаа юм. Маш олон хэлбэрт хөврөх чадвартай, лабароторийн аргаар гаргаж авсан нэгдэл. Үрчлээний эсрэг грр сайхны бүтээгдэхүүнүүдэд ихээр агуулагдах магадлалтай. Эд ургийн байгалийн хөгжилд сөргөөр нөлөөлөх, тэр дундаа дотор эрхтнүүд нэг нэгнээсээ салан тусгаарлагдаж, би? даан хөгжих явцад мууг 2006 онд Миами-ийн Их Сургуулийн эрдэмтэд олж тогтоосон байна. Мэдээж хүнсээр дамжуулан авсан натурал А витамин урагт сайн уу гэхээс муу биш юм.
Тэгэхээр бүтээгдэхүүний INGRIDIENTS хэсэг дээрээс:
Differin (adapelene)
Retin-A, Renova (tretinoin)
Retinoic acid
Retinol
Retinyl linoleate
Retinyl palmitate
Tazorac and avage (Tazarotene) - нарыг, эсвэл аль нэгийг нь олж харвал ретиноид-н элдэв хувирал хэмээн ойлгож авахгүй байхыш хичээгээрэй.

2. SALICYLIC ACID - батганы эсрэг ихэнх бүтээгдэхүүнүүдэд байдаг хүчил. Маш багаар буюу долоо хоногт хоёроос гурван удаа үүний орцтой тоник, хөөс зэрэг түрхээд удалгүй арчдаг, эсвэл угаадаг бүтгээдэхүүн хэрэглэхэд харчцангуй аюулгүй ч амаар буюу эмээр хэрэглэх, гуужуулагч, тос, маск гээд цусны эргэлтэд нэвтрэхүйц хугацаагаар хэрэглэгддэг бүтээгдэхүүнүүдийш цээрлэвэл зохистой. Мөн ургийн дотор эрхтэний хөгжил, арьсан давхаргын бүтцэд нөлөөлж экзем зэрэг өвчин үүсгэх өндөр магадлалтай ажээ.

Бүтээгдэхүүний найрлагаас : 

Salicylic acid
Beta hydroxy acid
BHA - нараас зайлсхийгээрэй. 

3. PARABENS - бүтээгдэхүүний хадгалах хугацааг уртасгагч бодис. Жирэмсэн гэлтгүй бүх бүсгүйчүүд зайлсхийвээс зохилтой. Яг таг ийм байна, гээд батлагдаагүй ч зарим судалгаанууд эднийг биеийн гормоны тэнцвэрийг алдагдуулахаас гадна хорт хавдрын эс үүсгэгч/тэжээгч хэмээн харуулжээ. Бараг бүх л гоо сайхны бүтээгдэхүүнүүдэд байдаг тул гоо сайхны компаниуд энэ судалгааг аль болох батлуулахгүй талаас нь эрчимтэй үзэж байгаа. Найрлагаас хайхдаа : 

sodium methylparaben, 

methylparaben, 

ethylparaben, 

propylparaben, 

butylparaben.

4. TOLUENE - хумсны бүтээгдэхүүнүүдэд агуулагддаг элемент. Нөхөн үржихүйн эсийн хуваагдлын хурдыг 3-5 дахин сааруулах чадвартай. Аймшигтай байгаа биз. Жирэмсэн биш байлаа ч хумсаа завсар зайгүй байнга будах нь маш муу юм шүү. Ялангуяа эмэгтэй хүний саванд.  Найрлагаас methylbenzene гэж хайгаарай. 

Та энд дарж бусад хортой бодисуудын талаарх нийтлэлийг уншаарай.

RainbowGl группт нэгдэхийг хүсвэл энд дараарай

Хөөсрүүлэгч

Нүүрээ хэрхэн цэвэрлэх талаар видеоноос энэ бүтээгдэхүүний талаар асуулт багагүй ирлээ.
Цэвэрлэгчээс багахыг тусаагаад сайтар үрэхэд маш гоё өтгөн хөөс хийж өгдөг. Ихэнх солонгос гоо сайхны дэлгүүрт байдаг ба үнэ нь 3500-4500₮-ийн хооронд байдаг (:

CETAPHIL - Moisturizing Lotion

Хаанаас авсан: Соёолж төвийн замын эсрэг талд байдаг америк дэлгүүр

Үнэ: сайн санадаггүй ээ 25000₮ байсан санагдаж байна.

Яахав дээ л санагдсан даа. Цэвэрлэгч нар нь их таалагдсан болохоор сайн байх болов уу гэсэн өндөр хүлээлт байсан ч энгийн л нэг чийгшүүлэгч лосьон-с ялгараад байх юмгүй л байсан. Яахав найрлага нь арай дээр юм уу гэхээс.

BB cream vs. CC cream vs. Foundation - нарын ялгаа

ББ ба СС болон энгийн фаундэйшн нарын хамгийн том ялгаанууд бол бүтэц, өө дарах чадвар, өнгө юм. Фаундейшн зөвхөн нуур будгийн үүрэг гүйцэтгэдэг бол ББ ба СС ямар нэгэн арьс арчилгааны давхар үйлчилгээтэй байдаг. Гэхдээ тэдэнд нь айхтар үнэмшээд хэрэггүй л дээ, арьс арчилгааны айхтар эерэг үйлчилгээ үзүүлдэггүй.

1. Бүтэц - Фаундейшн ихэвчлэн өтгөн байдаг бол ББ арай шингэн ба СС хамгийн шингэн + зууралдангуй, нарны тосорхуу байдаг.

2. Өө дарах чадвар - Фаундейшн хамгийн сайн, ББ дунд зэрэг, СС маш муу.

3. Өнгө - Фаундейшн өтгөн шаргал, ББ арай бараан, СС цагаан гараад арьсны өнгөөр хувирдаг.

Зураг авалт, ямар нэгэн арга хэмжээ, эсвэл өө ихтэй арьс бол фаундейшн зүгээр. ББ ба СС нь нэг их буддаггүй бүсгүйчүүд, эсвэл будмааргүй байгаа өдрүүдэд тохиромжтой.

Мэдээж яг ямар бүтээгдэхүүн гэдгээсээ хамаараад өөрчлөгдөх ч ерөнхийд нь ялгааг нэрлэ гэвэл минийхээр эд нар л юм даа.

Та RainbowGl группт нэгдэхийг хүсвэл энд дараарай (: