Өдрийн турш ядарсан нүүрийг хормын дотор сэргээж чийгшүүлэх нь (:

Хүн хүний арьсны төрөл өөр хоорондоо ялгаатай ч аливаа асуудлыг үүсгэгч шалтгаан нь нэг ижил байдаг. Илрэн гарах хэлбэрээрээ л өөр болохоос хэт хуурай арьс ба хэт тослог арьс чийг дутагдсанаас ийнхүү өвчилдөг. Хуурай бол чийг дутагдсан нь ойлгомжтой асуудал ч тослог арьстай хүмүүс ихэвчлэн хэтэрхий ширүүн найрлагатай бүтээгдэхүүнүүдээр нүүрээ хэт их угаах, цэвэрлэх, хангалттай чийгшил өгөхгүй байх гэх зэргээс болж арьсанд чийг дутагдаж байна хэмээн тархи үзэн улам их тосийг ялгаруулдаг. Мэдээж улам тослогжих тусам хүн улам их угааж, улам их хатаана. Ийнхүү чөтгөрийн тойрог үүснэ.

За тэр ч яахав, өдрийн турш нэг л ядраад, хуурайшаад, загатнаад, сонин оргиод байдаг даа. Тэр муухай мэдрэмжийн эсрэг цацлага гээд сайхан бүтээгдэхүүн байна аа. Манайхан энгэсэг шингээгч гэж ойлгоод байдаг ч бүгд энгэсэг шингээх зориулалттай байдаггүй тул хамаагүй цацвал будгийг юу ч үгүй, өм цөм урсгах аюултай. Энэ нунтаг энгэсэг хэрэглэдэг хүмүүст илүү хамаатай шүү.

Хавар, зун хэрэглэх хамгийн дуртай мист:

The Face Shop - Floral Water Mist /SPF 8/ 18900₮

Цэцэгний үнэртэй, нарны SPF 8 хамгаалалттай - тэр нь яг юу гэсэн үг юм бол гэж бодож байвал Энд дарж нарны хамгаалалтын тухай уншаарай
Дезодарант шиг маш нарийн ширхэгээр цацагддаг нь маш их таалагддаг. Яг нэгэн жигд, хөнгөхөн пшшшшшшшт гээд л болоо.

L'Occitane - Hydration Face Mist 20000₮

Чийгшүүлэх үйлчилгээтэй, мөн адил дезодарантан цацагчтай.

L'Occitane - Fresh Summer Mist - Verbena 35000₮ /энэ ойрд зарагдахгүй байгаа юм шиг байна лээ, УБ-т/

Би энэ Verbena-тай бүх бүтээгдэхүүнүүдэд нь дурлачихсан. Үнэр нь ёстой гоё санагддаг. Гэхдээ хүн бүрт таалагддаг үнэр биш, их содон хэрнээ зөөлөн. Үнэртэй усыг нь түрхчихсэн явж байсан чинь манай найз залуу чамаас яагаад барааны саван үнэртээд байна аа л гэж авсан шүү.

Avene - Eau Thermale

Үүнийг будагны гадуур цацдаггүй. Нүүрээ цэвэрлэчихээд чийгшүүлэх маягаар тоникний оронд хэрэглэдэг. Харамсалтай нь УБ-т худалдаалдаггүй. Хуурай арьстай хүмүүст уг нь маш гоё.

L'Occitane - Immortelle Brightening Mist 25000₮

Цайруулах үйлчилгээтэй цацлага. Мөн будагны гадуур хэрэглэх зориулалтгүй. Цайруулах үйлилгээ нь тийм сайн биш ч маш гоё үнэртэй, мөн сайн чийгшүүлдэг.

Mild shop-н JUJU цацлагын талаар эндээс уншаарай

Та RainbowGl Facebook group-d энд дарж нэгдэнэ үү (:

JUJU FACE WHITENING MIST

Хаанаас авсан: Mild

Үнэ: 18900₮

 Хөнгөн персикний үнэртэй, усан бүтэцтэй энэ цацлагыг нүүрээ угаагаад арчмааргүй санагдсан үедээ (цэвэрхэн алчуур олдохгүй ч юм уу лол) цацаад хатаадаг. Мөн жижиг шүршигч цацлагын саванд тасалж хийн цүннхэндээ авч явдаг. Миний нүүр үдээс хойш 2, 3 цагийн үед хуурайшин нунтаг энгэсэг хэрэглэсэн үед барзайгаад хачин болох гээд байдаг. Ус бага уусандаа биш, цаанаасаа тослог дутагдаад тэгдэг байх гэж бодоод байдаг юм. Яг тэр үед нь цацхаар амь аврагч болж өгдөг хэхэ. Цагааруулах үйлчилгээг нь мэдрээгүй. Өмнө хэрэглэж байсан L’Occitane, Facce shop-ийн цацлагуудаас арай бага чийгшүүлдэг юм шиг санагдсан. Том савалгаатай болохоор удаан хэрэглэгддэг. Японоор уншиж чадахгүй, интернэтээс хайгаад олоогүй болохоор найрлагыг нь сайн хэлж мэдэхгүй юм. Ер нь япон бүтээгдэхүүн худалдаж авах гэхээр яг юу гэж бичсэнийг нь ойлгодоггүй тул хүндрэлтэй санагддаг. Ямар ч байсан миний нүүрэнд энэ цацлага элдэв харшил өгөөгүй.