FIRST AID BEAUTY - INTRO

Сүүлийн үед маш их дуртай болж байгаа АНУ-н арьс арчилгааны бүтээгдэхүүн үйлдвэрлэгч брэнд болох FAB (First Aid Beauty) -н талаар товчхон танилцуулъя (:

Арьс арчилгаа дээр л голлох анхаарлаа хандуулдаг ба сав, баглаа боодол нь эмийн санг санагдууламмаш энгийн, нямбай хийцтэй. Эдийн засгийн зөвлөх мэргэжилтэй Lilli Gordon гэж эмэгтэй (Fresh тансаг зэрэглэлийн арьс арчилгааны брэндийн Санхүү хариуцсан захирал байсан) 2009 онд гоо сайхны салбарт ажилласан 15 жилийн туршлага дээрээ үндэслэн FAB-г байгуулсан байдаг. Тэрээр өөрөө эмзэг талдаа арьстай ба түүний арьсанд яг цав таарах бүтээгдэхүүн ердөөсөө олдоггүй байж л дээ. Бидний эмзэг арьстангууд чинь ахиад харшлуулчих вий гээд л бүтээгдэхүүний найрлагыг өөрийн эрхгүй судалж эхэлдэг. Lilli ч бүтээгдэхүүний найрлага судлах хоббитой болсон ба Нью-Йорк хотын хамгийн эрэлттэй арьсны эмч гэгддэг Robert Buka-г татан оролцуулан өөрийн арьс арчилгааны брэндийг эхлэлийг тавьсан байна. Уг компани маш богин хугацаанд асар их амжилтанд хүрсэн "нууц" нь ердөө л бүтээгдэхүүний найрлага дээр тулж ажилладагт оршдог. Үнэхээр ч бүтээгдэхүүнүүд нь хийнэ гэснээ хийдэг санагдсан шүү. (:

Lilli Gordon

FAB-н хамгийн шилдэг борлуулалттай бүтээгдэхүүнүүд:

Multi-purpose буюу нүүр, хүзүү, хөх, бие, гар, хөл гээд хүссэн газартаа түрхэж болох чийгшүүлэгч, нөхөн төлжүүлэгч тос. Хөнгөн хэлбрийн экзем, псориаз зэрэгт хүртэл тун сайн. нэг их сэтгэл сэргээсэн гааны сэнгэнэсэн үнэртэй, өтгөн бүтэцтэй хэрнээ маш хурдан шингэдэг. Надад болон үүнийг хэрэглэж үзсэн сая, сая бүсгүйчүүдэд тун их таалагддаг болоод л шилдэг борлуулалттай бүтээгдэхүүнүүдийн жагсаалтыг нь тэргүүлдэг байх.

FAB FAVESTO GO - цэвэрлэгч, radiance pad буюу цайруулж, гэрэлтүүлэх үйлчилгээтэй хөвөнгүүд болон Ultra Repair Cream. Энэ гурвыг яг энэ дарааллаар нь хэрэглэвэл их сайн үйлчилгээтэй юм гэнэ ээ.

Skin Rescue - Deep Cleanser with Red Clay - улаан шаврын найрлагатай гүн цэвэрлэгч. Энэ бүтээгдэхүүн арьсыг хэт хатааж, эмзэгшүүлэхгүйгээр их гүн цэвэрлэж чадаад байдаг гэнэ. Энийг олж авна гэсэн ойрын хугацааны зорилготой байна. 

EYE DUTY TRIPLE REMEDY - нүдний доорх хөхрөлтийг нэг сар хэрэглэхэд 37 хувиар арилгана гэсэн амлалт өгсөн зовхины тос. Метал үзүүр нь арьсыг хайраад хадалт буулгах зориулалттай. Найрлагыг нь харахад цайруулах хүчтэй бодисгүй хэрнээ эмчилгээ нэгдлүүд их орчон нь маш их таалагдсан. Нүдний хөхрөлтийг бууруулах ихэнх тоснууд цайруулах маш хүчтэй нэгдлүүдтэй байдаг ба тэд нар нь яваандаа зовхины нимгэн арьсыг их гэмтээдэг. Үүнийг ч бас авна даа л гэчихсэн байж байна, зовхины тос түрхээгүй хоёр сар болох нь ээ, хямрал аа гэж. 

Эдгээр болон маш олон бүтээгдэхүүнүүд нь өөрийн гэсэн фэнүүдтэй болчихсон их хөөрхөн брэнд санагдсан шүү.

Танд энэхүү нйтлэл таалагдсан бол ЭНД ДАРЖ манай Фейсбүүк пэйжээр зочлон шинэ мэдээлэл, бүтээгдэхүүнүүдийг шүүмжийг цаг алдалгүй аваарай (: