O Hui - Age Recovery Moisture Set

EN: Have you tried layering skin care K-beauty style? If you are a Korean beauty follower you are most likely familiar with LG Household & Healthcare giant's high end skin care brand O HUI. Their brand ambassador is none other than the 'naturally' beautiful Kim Tae Hee. Come on, who doesn't want a supple and soft skin like hers?

MN: Хэрэв та Солонгосын гоо сайхны трендүүдийг сонирхон дагадаг бол алдарт LG Household & Healthcare корпорацийн тансаг зэрэглэлийн гоо сайхны O HUI нэрийн талаар сонсож байсан байх. O HUI-ийн нүүр царайгаар "натурал" үзэсгэлэнт Ким Тэ Хи ажилладаг. Түүнийх шиг булбарай арьстай болохыг хүсдэггүй хэн байх вэ дээ.

Official price: KRW 140,000 (~ USD 140 / ₮ 260,000)

EN: In the "Age Recovery Moisture" set you get generous bottles of the toner & lotion & not so generous (20 ml each, which is the exact same amount as the sample toner/lotion ) tubs of the essence and the cream. This line caters towards malnourished, dehydrated skin, I would say. The toner (called "skin" for some weird reason) has an extremely rich feel to it. Very soothing and gentle on the skin. Generally, I liked it. However it hasn't improved my fine lines and wrinkles.

I would recommend it to ladies who are in their late twenties or older & to everyone, who lives in a harsh climate.

Pros: 1. Very hydrating :D
         2. Doesn't clog pores and/or irritates skin
         3. Beautiful packaging

Cons: 1. Skimpy on the essence & cream (purely from the size perspective)
          2. Doesn't really smooth out fine lines and wrinkles (one of its main claims)

MN: Энэ сет-д томоохон савтай тоник (skin гэж яагаад ч юм нэрлээд бдаг) болон лосьон ирэх ч, эссенц болон тос нь дагалдаж ирэх тестерүүдтэй ижил 20 мл-ийн савалгаатай. Хуурайшиж, тэжээл алдсан арьсанд илүү тохиромжтой. Тослог арьс ч хуурайшсанаас илүү их тос ялгаруулдаг гэдгийг санаарай. Сет-ээс хамгийн их сэтгэлд хүрсэн бүтээгдэхүүн нь тоник - тослог, өтгөн бүтэцтэй, бусдыгаа бодвол арай "илүү нөлөөтэй" юм шиг санагдсан.  

Уг сетийг 30 дөхөж яваа болон хатуу, ширүүн уур амьсгалд амьдардаг хүмүүст зөвлөмөөр санагдлаа.

Давуу талууд: 1. Сайн чийгшүүлдэг
                         2. Нүхийг таглаж, ямар нэгэн харшил өгөөгүй
                         3. Савалгаа сайтай.


Сул талууд: 1. Эссенц, тосны хэмжээ маш бага
                       2. Үрчлээний эсрэг хэмээн сурталчилдаг ч үрчлээнд мар нэгэн дорвитой нөлөө үзүүлээгүй.

EN: Also, as a nice side perk - they have included this three colour lip palette. Mediocre quality, nice colours though.

MN: Дагалдах бэлэг болгож 3 өнгөтэй уруулын будгийн палет хамт ирсэн. Яахав дээ л чанартай ч, дажгүй өнгөнүүд байна.

Шинэ жилийн баярын үдэшлэгийн үс засалтууд

Шинэ оны баяр, цэнгүүнүүд эхэллээ - үсээ л янзтай засчихад ерөнхий имиджийг "сааап" гээд л татчихдаг шүү дээ. Энгийн LBD буюу жижиг, хар даашинз сонгосон ч, гоёлын засалт, тод уруулаар чимээрэй :)

1. 1920-иод оны finger curls - ямар ч богино, урт үсийг янзтай сайхан харагдуулдаг. Богино үстэй, дугуй царайтай, шанаа томтой бол арай өөр засалт сонгоорой. Мөн энэ засалтыг хийлгэх үсчингээ сайтар сонгохгүй бол афро маягийн юм хийчихээд гельдээд байдаг юм байна лээ шүү :))))

2. Нойтон мэт харагдах, тэг дундуураа хуваасан ("хошного") засалт. Энэ жилийн хамгийн загварлаг, догь засалт. Ингэж засвал нүдээ сайтар тодруулж өгөөрэй. Том духтай бол хөнгөн сүүдэр тавиарай.

3. Энэ жил үсээ хиймэл, пастель өнгөөр будах их том тренд болж буй. Ирэх онд улам дэлгэрэх хандлагатай байна. Анхаарлын төвд "цэн цэрэээээрийййн" гээд л орж байгаам шүү дээ. Нэг үдшийн төлөө үсээ будаад яах вэ, өөртөө тохирсон шаргал өнгийн үстэй парик олоод, түүнийгээ их гоё өнгөөр будаж, засуулаарай. Ингэсэн тохиолдолд ганц шинэ жилийн баяраар бус зуны задгай партид гоёх янзтай юмтай болж байгаа биз? Би энэ хувилбарыг хэрэгжүүлнэ гэж бодож байгаа :D

4. Романтик сүлжээс. "Хаан ширээний тоглоом"-ын стиль-ээр сул, долгиолсон, сүлжээсний элементүүд оруулсан донжтой шуулт. Хэт задгай загвартай даашинзаар гоёхоор шийдсэн бол үсээ ингэж sophisticated засуулснаар хэт задгай, вульгарный харагдахгүй, ерөнхий имиджийг зөөллөж өгнө.

5. Классик сэнсдэлт. Юу ч өмссөн, яаж ч нүүрээ будсан сайхан харагдана. Бодох хугацаа, бэлдэх боломж байхгүй, сандарч байгаа бол эргэлзээгүй энэ хувилбарыг сонгоорой.

REVIEW: The Face Shop - Cushion Screen Cell

EN: Cushion products (products with unique product dispenser's) have been trending for a while now; even US's Stila had quite a few cushion products in their A/W 2015/16 collection. 

The Face Shop's Cushion Screen Cell is my favorite product of this format I have tried to this date. It's super moisturising - very forgiving on a tired, saggy-ish skin, which is what I have basically. Also, it brightens up the skin without giving a grey tinge. It gives this dewy, fresh look to the face, so not very suitable for oily skinned gals out there. The product itself strongly reminds me of the Maybelline Fit Me foundation in a cushion format. 

Cushion foundation's are perfect for a no-makeup look, as it dispenses a lot less product & the puff blends it in to the skin seamlessly. However, the only downfall is that the staying power is not that great. Especially, in colder months, putting on & taking off hats, scarves and pollution masks (if you live in Ulaanbaatar, the most polluted city in the world!!!!), it fades off. 

MN: Cushion (шингэн, өвөрмөц шахагчтай бүтээгдэхүүнүүд) төрлийн суурь будгууд тренд болоод нэлээн хэдэн жил болж байна, АНУ-ын Stila бренд 2015/16 оны намар, өвлийн цуглуулгандаа cushion төрлийн хэд, хэдэн нүүр будгийн бүтээгдэхүүнүүд багтаасан байсан.

Энэ удаа The Face Shop-ын Cushion Screen Cell cushion суурь будаг нь одоог хүртэл хэрэглэж үзсэн энэ төрлийн будагнуудаас хамгийн их таалагдсан нь байв. Их сайн чийгшүүлэгч үйлчилгээтэй - ядарсан, хуурайшсан, үрчлээтсэн хэсгүүдийг нэг их тодотгодоггүй. Мөн арьсыг сааралтуулалгүйгээр арай илүү цайвар, өөгүй болгодог. Maybelline-ы Fit Me фаундейшнтэй их төстэй санагдсан шүү. Арьсыг гялалзсан, нойтон мэт харагдуулдаг болохоор тослог арьстай хүмүүст тийм ч их таарамжгүй байх. 

Cushion foundation маш бага шингэн шахаж гаргадаг болохоор ч тэр үү, будаагүй юм шиг харагдуулдаг. Гэвч тогтоцын хувьд дунд зэрэг, ялангуяа хүйтний улиралд утааны маск, ороолт, малгай өмсөж тайлсаар байтал амархан арилчихдаг. 

Ер нь их ядарсан үедээ аль болох нүүрээ будаад хэрэггүй, учир нь будаг унжсан, биржийсэн хэсгүүдэд наалдаад, хачин харагдаад байдаг. Хөмсөг, нүдээ үл ялиг тодруулаад, нүдний дотор хоёр буландаа цайвар, сувдан тень тавьж гэрэлтүүлэхэд хамаагүй дээр харагддаг байх.  

Rapidlash - Сормуус, хөмсөг ургуулагч серум

Өтгөн хөмсөг, сормуустай болохыг хүсдэггүй хэн байх вэ? Гэвч нэгэнт зулгаасаар байгаад эсвэл өөр ямар нэгэн шалтгаанаар шингэрсэн сормуус, хөмсөгийг өтгөрүүлэх маш хэцүү шүү дээ. Сүүлийн үед Cara Delevigne шиг тод, өтгөн хөмсөг, хурц харц тренд болоод байгааг ч хэлэх үү. 

Ийм төрлийн серумыг маш болгоомжтой сонгох хэрэгтэй. Нүд маш эмзэг эрхтэн тул элдэв хортой химийн нэгдэл наанадаж эмзэгшүүлнэ, цаанадаж таны хараанд нөлөөлөх боломжтой. Тэгэхээр гарал, үүсэл нь мэдэгдэхгүй, мэргэжлийн эмч нарын хяналтан доор бүтээгдээгүй бүтээгдэхүүнийг хэрэглэхээс тун болгоомжлох хэрэгтэй. 

RapidLash нь парабен болон үнэртүүлэгч агуулдаггүйгээс гадна нүдний эмч нарын хяналтанд орсон тул айлтгүйгээр хэрэглээд үзье гэж бодоод яг 6 долоо хоног өглөө, оройдоо сормуус, хөмсөгөндөө уйгагүй түрхэж үзэв. Үр дүн илрхий сайн, шинээр жижигхэн, жижигхэн үснүүд ургаад эхлэх нь тэр. Даанч, удалгүй хоёр нүдэндээ хагалгаа хийлгээд, боолт, эм зэргийг дусааж, байнга үрсээр байгаад сормуус нь буцаад шингэрчихсэн ч, хөмсөг өмнөхөөсөө илүү өтгөн болсон шүү. Сормуусандаа дараагийн зун дахиад түрхэнэ гэж бодож байгаа. :)

Луувангийн зутан шөл

Би өндөг шарахаас өөр олигтой хоол сайн хийж чаддаггүй ч, сүүлийн үед янз бүрийн хоол хийж, үзэж турших дуртай болоод байгаа. Тэгээд ердөө 160 калорийн илчлэгтэй ч, амин дэмийн агууламж өндөртэй, хүйтний улиралд идэхэд тохиромжтой энэ шөлийг хийж сураад та нартайгаа хуваалцмаар санагдлаа.

ОРЦ:

1.  6 - 7 том лууванг дөрвөлжин хэрчинэ. Органик бол сайтар угаагаад хальстай нь, үгүй бол хальсийг нь арилгаарай. Хальсанд маш их амин дэм агуулагддаг ч, пестицид буюу хортон шавьж устгагч бодис хамгийн ихээр шингэдэг гэнэ.

2. 2 аяга жижиг хэрчсэн шар сонгино

3. 1 цайны халбага бяцалсан цагаан гаа

4. 2 аяга ногооны эсвэл тахианы бульон

5. 2 аяга ус

6. 3 том халбага масло

7. Давс, перец болон таны байнга хэрэглэдэг дуртай амтлагчид

Бэлтгэх арга нь тун хялбархан: залхуурвал бүгдийг нь холиод сайхан кострюлинд чаначихна. 20-иод минутын дараагаар луувангууд зөөлрөн буцлахад нь гар аргаар эсвэл блендэрт хийж бяцлан зутан болгоно. Гараар хийхэд тийм ч хэцүү биш юм байна лээ, мэдээж холигч ашиглавал илүү амар ба хурдан л даа. Арай залхуурмааргүй байвал маслонд сонгиноо шарж, илүү амттай болгоорой. Ингээд л болно. Хялбархан байгаа биз?? Туршиж үзээд, үр дүнгээ хуваалцаарай :)

My Make Up Bag - Миний косметикийн цүнх

Бусад охидууд цүнхэндээ юу авч явдаг бол хэмээн байнга хэрэгт дурлаж явдаг би блогтоо #makeupbag пост оруулаагүй их удсан байна шүү. Та нар маань бас надтай цүнхэндээ юу авч явдаг аа хуваалцаарай!

Энэ косметикийн цүнхийг ээж аль 9-р ангид байхад Sky-аас авж өгч билээ, дурсгалтай болохоор нь одоог хүртэл гамнаж хэрэглэдэг юм. Цахилгаантай хоёр тусадаа тасалгаатай, жижигхэн хэрнээ хөөрхөн юм шингээчихдэг. Нэг хэсэг гэрээ нүүлгэх шахуу юм авж явдаг байсан бол сүүлийн үед яг л байнга хэрэглэдэг гэсэн цөөн тооны хэдхэн зүйлс авч явахгүй бол лэптоп, дэвтэрнүүд гээд цүнх дийлдэхгүй :)). Тэгээд ч, олон янзын хэрэггүй ачаа байнга чирж явах хэцүү санагддаг болсон... (гэснээ баахан юм чирээд үү..)

 Баруун дээд булангаас:

1. The Face Shop - Cushion Screen Cell
2. The Face Shop - өө дарагч
3. YSL - Lip Tint Oil - уруулын тос
4. Хөмсөг зулгаагч
5. Lhamour - уруулын тос
6. The Face Shop - Milky lip tint
7. The Face Shop - Twinkle Eye - нүдний контур
8.The Face Shop - хөмсөгний харандаа
9. Bourjois - Ultra Black - нүдний контур
10. Laura Geller - Хар өнгийн сормуусны праймер
11. L'Occitane - Pivone Sublime - Уруулын будаг
12. Нүдний нэг удаагийн дусаалгууд

Ингээд харсан чинь тал нь шахуу The Face Shop байна шдээ. Ажилтай ойрхон, цэвэрхэн болохоор нь орсоор байгаад ийм юм болж байгаа юм даа :)).

Organic Earth du Canada - Органик гоо сайхан ба эссенцтэй бүтээгдэхүүнүүд

Баруун дөрвөн замын Адмирал пабын хажууд байрлах Organic Earth du Canada брендийн хэд хэдэн бүтээгдэхүүнүүдийг хэрэглэж үзсэн туршлагаа бичье гэж бодлоо. Өвөрмөц, органик гаралтай гэх зэрэг хүмүүс сайн амтай байдаг юм байна лээ. "du Canada" гэхээр нь Канадад үйлдвэрлэгддэг юм болов уу гэж бодсон чинь Канад удирдлаган доор БНХАУ-д үйлдвэрлэгддэг юм байна лээ, төөрөгдүүлмээр байгаа биз?

Боломжийн үнэтэй, байгалийн гаралтай, органик бүтээгдэхүүн хэрэглэж үзмээр байвал туршаад үзээрэй. Хувьдаа хэд, хэдэн бүтээгдэхүүнүүдийн талаар төрсөн сэтгэгдэлээ орууллаа.

Хамгийн их таалагдсан бүтээгдэхүүн бол дээрх зургийн голд орших үсний салаа эмчлэгч тос. Үнэхээр үр дүнтэй санагдсан ба үсний ургалтад тодорхой хэмжээгээр нөлөөлсөн байх. Баруун гар талд Sleep Easy буюу тайвшруулах, нойрсуулах үйлчилгээтэй бэлдмэл байна. Гоё үнэртэй ч, тийм ч үр дүнтэй санагдаагүй. Зүүн талд нь Immune Boost буюу дархлаа дэмжих бэлдмэл харин таалагдсан шүү. Өглөө, оройдоо хөлний уландаа хэдэн дуслыг түрхэж хэрэглэнэ. Яг ямар үйлчилгээтэйг нь мэдэхгүй ч, сонирхолтой байдлаар витамин ууж байгаа юм шиг хөгжилтэй. Голын бүтээгдэхүүн 25,000₮ бол хоёр захынх нь 15,000₮.

 Сарнайн чийгшүүлэх, үрчлээний эсрэг тос. Хэтэрхий тослог бүтэцтэй мэт санагдсан. Гэхдээ ихэнх байгалийн гаралтай бүтээгдэхүүн ийм төрлийн бүтэцтэй байдаг. Орой л хэрэглэнэ үү гэхээс өглөө арай "хүндэвтэр" санагдсан. Үрчлээний эсрэг үйлчигээ ажиглагдаагүй ч, чийгшүүлэхийн хувьд сайн байсан шүү. Мөн элдэв харшил өгөөгүй.

 Hot oil burner буюу эссенцийн тос хайлуулагч гэх юм уу даа? Essential Oil гэж ургамлын эссенцийн найрлагатай, ихэвчлэн арома терапия-д ашигладаг бяцхан тоснууд байдаг. Дээрх жижигхэн дэнлүүнд лаа хийж асаагаад, орой нь халахаар эссенцийн тосноос хэдийг дусаана. Тос ууршиж, орчныг маш сайхан үнэртэй болгодог. Эссенцийн тос бүр ямар ургамлаас гаралтайгаас хамааран тайвшруулах, сэргээх гэх зэрэг өөр өөрийн үйлчлэлтэй байдан.

Эссенцийн тос бүр 8,500₮-ийн үнэтэй байсан нь их боломжийн санагдсан шүү. 

Арьс арчилгааны бүтээгдэхүүнээс нь дахиж авах сэдэл төрөөгүй ч, хэд хэдэн эссенцийн тос, өрөө бүртээ нэг oil burner авна гэсэн төлөвлөгөөтэй байгаа. :) 

Clarisonic MIA Dupe - Нүүр цэвэрлэгч багс

Сүүлийн хэдэн жилүүдэд нүүрний электрон цэвэрлэгч хэрэгсэл тренд болж, баруунд хүн бүрийн угаалгын өрөөнд шүдний сойз мэт түгээмэл харагдах болжээ. Гараараа үрж угааснаас хэд дахин үр дүнтэй, гүн цэвэрлэдэг нь хэдийнээ нотлогдсон байна.

Гэсэн хэдий ч, мейнстриймд хамгийн нэртэй Clarisonic, Foreo зэрэг брэндүүдийн угаагч багс 120 гаран ам.доллар байдаг. Нэг хэсэг Форео-ийн Луна силикон багстай цэвэрлэгчийг авна даа гээд шийдчихсэн байлаа. Тэгтэл Incheon нисэх онгоцны буудал дээр Кларисониктой маш ижилхэн харагдах нэг багс байхаар нь үзтэл Солонгосын Korean Beauty гэх кларисоник багсын DUPE буюу хямд хувилбар нь байхаар нь туршаад үзье гэж бодоод авсан юм. 59 ам.доллар байсан санагдаж байна, Кларисоникоос хоёр дахин хямд гэсэн үг шүү дээ.

Гүйцэтгэлийн хувьд кларисониктой яг л ижил санагдсан. Хэрэглэсээр байгаад гараараа, эсвэл өөр юмаар нүүрээ угаахад хангалттай цэвэрлэгдээгүй мэт санагддаг болчихсон. Яг л шүдээ сойзоор угаагүй мэт. Улаанбаатар хотын агаар болон орчны бохирдол дэлхийд тэргүүлээд хэдийнээ жил гаран болсон шүү дээ. Ядаж орой доо, гүн цэвэрлэж хэсэгхэн ч гэсэн арьсаа амраах хэрэгтэй мэт. Ялангуяа нүүрний арьс хамаг бохирдлыг пролон мэт ууж байдаг шүү дээ.

On товчлуурыг дарахад вибратор ажиллаж багс баруун, зүүн тийшээ чичирхийлдэг. Үүн дээр бага зэрэг бүлээн ус, өөрт таардаг цэвэрлэгч бүтээгдэхүүнийг нэг, хоёр дусал дусаагаад нүүр, хүзүүгээ тус, тус нэг минутын турш цэвэрлэнэ. Бззззззз гэж дугараад, зөөлөн чичирхийлэх нь нэг л стресс тайлах шидтэй ч юм шиг, санагддаг :)). Double A++ жижиг зайгаар ажилладаг тул цахилгаанд цэнэглэх шаардлага байхгүй. Мөн багсыг 3 сар тутам сольдог.

Санхүүгийн тал дээр боломжтой байвал Кларисоник эвсэл Форео авсан дээр байх л даа. Гэвч, над шиг хорголоо тоолж байвал үүнийг Солоногосоос захиулаад ч юм уу нэг хэрэглээд үзээрэй гэж зөвлөмөөр байна. :)

Juicing - Шинэ Ногооны Шүүс

Сүүлийн үед Монголд ийм юм байдаг байсан бол, тийм юм байдаг байсан ч бол гэж боддог байсан зүйлс нэг, нэгээрээ бий болоод байгаа ч юм шиг :D. Органик, монгол ногооны хүргэлт боломжийн үнэтэй хийдэг газар гарч ирэхгүй юм байх даа гэж боддог байсан чинь, ашгүй Green Box гараад ирлээ! 

19,900₮-өөр долоо хоногт нэг удаа хайрцаг дүүрэн органик ногоо хүргүүлж авна гэхээр янзтай сонсогдож байгаа биз дээ? Грин боксыг эрхэлдэг эгчийн инстаграм нь (@bagibayar) түүхий ногоогоор хийсэн шүүс, шөл, төрөл бүрийн хоолнуудын гоё, гоё зурагнуудаар дүүрэн, ороод үзээрэй! :) (нэгэнт инста орж байгаа юм чинь, намайг бас дагаарай :D @rainbowgl7 )

Зиа тэгэхээр, сүүлийн хагас жил идэвхитэйгээр juicing хийхийг хичээж байна аа. Дан жимсний шүүс шахагчтай болсон ч, жимс, ногоонуудын (fiber) жижиг үртэснүүдийг нь дэмий хаяаад байгаа юм шиг санагдаад блэндертэй болсон. Ингээд байнга хийж уудаг, хамгийн дуртай 2 смүүдиниийхээ орцыг бичиж, оруулъяа гэж бодлоо. :)

1. Лууван, алим болон цагаан гаа

Өөрийн уух хэмжээгээр Лууван, алим хоёроо ойролцоогоор 2:1 (8 лууванд 4 алим гэх мэт) хэмжээтэйгээр жижиглэн хэрчинэ. Бага зэрэг цагаан гааг тусад нь аль болох жижиг хэмжээтэйгээр үрнэ. Бүгдийг нь бэндертээ бүгдийг нь хийгээд дээрээс нь нэг аяга ус хийгээд л болно. Амархан байгаа биз дээ? Лууван бета-каротинаар баялаг, нүдний хараанд их сайн. Цагаан гаа өрөвслийн эсрэг хүчтэй тэмцэгч, эмэгтэйчүүдэд их сайн гэдэг юм байна лээ. :)

2. Спинач, усан үзэм, өргөст хэмх болон лууван

Нэг атга спинач, хоёр атга усан үзэм, хоёр лууван, 1-ээс 2 ширхэг өргөст хэмх - бүгдийг нь жижиглээд блэндертээ нэг аяга усны хамт хийгээд хольно. Мөн адил маш амархан. :)

Keratosis Pilaris - Тахианы арьс мэт биржийлт

Дөрвөн хүн тутмын 1 нь кератосис пиларис буюу "тахианы арьс"-аар өвчилсөн байдаг гэнэ. Маш элбэг байгаа биз? 8 хүн тутмын нэг нь 1-р типийн Херпестэй, вирус хаанчилсан цаг үед амьдарч байгаа юм чинь гайхаад байх ч юу байх вэ дээ?

КП гэж үсний уутанцарт уураг ихээр хуримтлагдан бөрөөнхий "гэр" болохыг хэлдэг гэнэ.

"Тахианы арьс"-аар өвчилсөн бол ихэнх тохиолдолд ямар ч зовиур, эрүүл мэндэд ноцтой нөлөөлах хор уршиг байхгүй ч, гоо зүйн үйднээс асуудал үүсгэнэ. Маш хатуу, биржгэр, хуурай арьс тачаангуй мэдрэгдэх нь битгий л харагдахгүй нь ойлгомжтой. Хамгийн хэцүү нь хүн бүрт үйлчилдэг, гарцаагүй эмчилгээний арга байдаггүй юм байна. Хүн бүрийн арьс, бие организм өөр, өөрийн гэсэн онцлогтой болоод ч тэр үү, нэг хүнд үйлчилсэн эмчилгээний арга өөр нэг хүнд огт нөлөөлдөггүй гэнэ. Үнэхээр түгээмэл тул хялбар ашиг олохыг санаархагчид КП-г эмчлэх есөн шидийн тос, түрхлэгүүд худалдаалдаг ч абсалютный үр дүнтэй томъёолол байхгүй тул их, бага мөнгө зараад дэмий байх. Мөн яг юунаас болж үүсдэг талаар тодорхой шинжлэх ухааны үндэслэлтэй хариулт байхгүй байгаа нь нэгдсэн эмчилгээ гаргахад хамгийн том бэрхшээл болдог биз ээ. Ингээд энэ өвчний талаар олж мэдсэн 5 зүйлсийг жагсаая:

1. Ген - КП ихэвчлэн генийн дефектээс үүдэлтэй тул 100 хувь эмчлэгддэггүй. Өөрөө гэнэт гараад ирсэн шигээ гэнэт алга болох тохиолдлууд их гардаг гэнэ. Хэдий чинээ их ач холбогдол өгч, санаа зовох тусам сэтгэл зүйгээсээ болоод ч тэр улам ихсээд байдаг талаар ихэнх форумуудад сэтгэгдэл үлдээгчид бичсэн байна. Үнэхээ ч өөрийн удирдлагаас гадуур зүйлд хэт их ач холбогдол өгөх сайн юманд хүргэдэггүй байх... Тэгэхээр ингэж байгаад гайгүй болчихно гэсэн сэтгэлээр тайван хандахыг хичээгээрэй.

2. Хэт ширүүн үрэхгүй байх - Маш олон хүмүүс энэ алдааг гаргадаг гэнэ. Гуужуулах хэрэгтэй нь хэрэгтэй ч, хэтэрхий ширүүн юмаар үрээд байвал арьсны хамгаалалтын механизм идэвхжин улам хатуурдаг гэнэ дээ. Тэгэхээр үсээд л коффегоор хөнгөн гуужуулаарай.

3. Наранд шарах - Өглөөний наранд 10-аас 15 минут биеээ шарах нь КП-г гөлийлгөдөг гэнэ. Ингэж нарэнд ээх нь нойрны чанарыг сайжруулах, тайвшруулах, зүрх судасны үйл ажиллагааг дэмжих зэрэг өөр олон ач тустай тул болж өгвөл наранд сууж байгаарай.

4. Ретинол - А витамин капсулыг хагалж түрхэж байвал түүний гол найрлага болох ретинол эсийн шинэчлэгдэх явцаг идэвхитэй дэмжин КП-г арилгах, зөөлрүүлэхэд тустай байдаг гэнэ. 

5. Алимны уксус (apple cider vinegar) + коконат ойл - энэ хоёрыг сайтар хутган хольж, өвчилсэн хэсгүүдэд өдөр тутам түрхэж байвал мөн арьсыг гөлийлгөхөд тусалдаг гэнэ.

Ер нь, гормоны томоохон өөрчлөлтүүд явагдахад КП гарч ирэх эсвэл алга болдог талаар The Lancet эрүүл мэндийн сэтгүүлд бичжээ. Томоохон гормоны өөрчлөлтөд сарын тэмдэг ирэх, жирэмслэх, цэвэрших, химийн туяан эмчилгээ хийлгэх гэх зэрэг бие организмыг огцом өөрчилдөг үйл явдлууд багтдаг байна.

Миний Амьдралын Жагсаалтууд

Хүн бүрт хийхийг хүссэн зорилго, мөрөөдлүүд байдаг ч яг нэг, нэгээр нь жагсааж бичээд биелүүлэхийн тулд хичээдэг нь цөөхөн байх. Бичиж тавихад бодит төлөвлөгөө болон хувирах магадлал илүү өндөртэй байдаг гэдэг.

Хэзээ нэгэн цагт миний бодож, санасан бүхэн биелнэ гэсэн тууштай, өөдрөг сэтгэлээр хэд хэдэн жагсаалт биччихье, бас болоогүй төрөл, төрлөөр нь ангилна аа :D . Байнга энэ жагсаалтаа эргэн харж, хийсэн зүйлсээ тэмдэглэж байна аа.


Ажил, мэргэжил, карьертай холбоотой жагсаалт:

• Дэлхийд нэр хүндтэй ИС-д мэргэжил дээшлүүлэх
• PCS компани байгуулах
• PMP зэрэгтэй болох
• Заавал 3-аас дээш орнуудад, мэргэжлийн чиглэлээр ажилласан туршлагатай болох
• Франц хэлээ мэргэжлийн орчинд ажиллах хэмжээнд хүргэх

Аялж, ажиллаж, амьдрахыг хүсэж буй орнуудын жагсаалт:

• Финлянд болон бусад бүх скандинавын орнууд 
• Зимбабве болон төв Африкийн орнууд 
• Перу
• Израйль
• Шинэ Зеланд 
• Шинэ Гвиней
• Азербайжан, Гүрж 
• Грек
• Австри
• Австралийн Тасмани арал
• Францын Ницца, Капри, Сэнт Бартс
• Хорват
• Нью-Йорк

Фитнесс, биеийн тамир, эрүүл мэндийн жагсаалт:

• Өглөө, орой бүр 3аас 5 минут бясалгал 100 хоног дараалан хийх (Өнөөдөр буюу 2015.09.23-аас эхэлсэн)
• Долоо хоногт дор хаяж 3 удаа йог хийх - тасралтгүй 6 сарын турш - хэд, хэдэн байрлалуудыг сайн хийж сурах
• Буцаад А шпагат сууж сурах
• Хэзээ нэгэн цагт нэг сар дан түүхий хоолтон болж үзэх
• 14 хоногийн турш хиймэл сахар орсон бүтээгдэхүүн огт идэхгүй байх (Энэ Шинэ Жилээс өмнө заавал хийх)

Бүтээлч жагсаалт:

• Нэг Монгол бүжиг бүжиглэж сурах
• Төгөлдөр хуурт зориулсан Медтнерийн Мартагдсан аялгуунуудаас нэгийг нь ч болтугай цээжээр тоглож сурах
• Ой тогтоолтын сургалтанд сууж үзэх
• Project Happiness хэвлэмэл бүтээгдэхүүн гаргах
• MoMA, MET зэрэг дэлхийд алдартай музейн урлаг, түүхийн дамжаанд сууж үзэх
• Нью-Йоркийн загварын долоо хоногийг очиж үзэх
• Хятад хэл сурах

MISSHA - Essence Sun Milk SPF 50+/PA+++

Өвөл болж, хурц нар гарахгүй байна гээд нарны тос түрхэхгүй байж болохгүй шүү. UVB нарны цацраг туяа зузаан үүлсийг ч төвөггүй нэвтэлдэг гэдгийг санаарай. Чухам sun damage буюу нарны туяа хөгшрөлтөнд мөш их нөлөөлдөг. Арьс арчилгаанд нэг их цаг, зав зардаггүй байсан ч нарны тосыг үнэнчээр, тогтмол хэрэглэвэл удаан хугацаанд маш үр өгөөжтэй байх болно. Нарны тос сонгох талаар нийтлэлийг ЭНД ДАРЖ уншаарай.

Хамгийн сүүлд хэрэглэж дуусгасан нарны тос болох MISSHA-ийн Essence Sun Milk-ийн талаар товч дүгнэхэд дажгүй шүү. Хуурай, тослог, хольмог арьсанд зориулалан хэд хэдэн төрлийнх байдаг нь хамгийн их таалагдсан. Би хуурай арьстай тул ногоон савтайг нь сонгосон бөгөөд үнэхээр чийгшүүлэх үйлчилгээтэй мэт санагдсан шүү. Бүтэц нь шингэвтэр, сүү шиг тул суурь будаг доор праймер маягаар суучихдаг санагдсан. Нэг гэм нь спирт ч юм шиг, их хачин үнэртэй... Гэвч, азаар үнэр нь амархан арилчихдаг. Эмзэг арьсанд тохирохоор санагдсан.

Хаанаас авсан: УИД-ын зүүн талд байдаг MISSHA

Үнэ: 35,800₮

Colourpop !!!

Лос Анжелес-ээс гаралтай COLOURPOP мейк ап брэндийн нүдний тень, болон гэрэлтүүлэгчид. Бүтээгдэхүүний бүтэц нь нойтон, хөвсгөр ч юм шиг, баримлын шаврыг санагдуулам бөгөөд тогтоц маш сайтай. Будаг сайн хүлээж авдаг нүүр, авдаггүй нүүр гэж байдаг. Зарим хүмүүс өглөө хальт будаад гарахад эсвэл хэдэн давхар, есөн шидийн юм түрхчихээд бүхэл өдрийн турш сайхан явдаг бол, над мэтийн будаг сайн авдаггүй хүмүүс будаг их амархан арилна, бууна лол :)). Нүдний тень сайн тогтоодоггүй, тослог эсвэл хэт хуурай зовхитой бол праймер хэрэглэхгүйгээр Colourpop будгуудыг түрхэхэд, талхан дээр масло тавьж байгаа юм шиг л хялбархан тараагдана. Ихэвчлэн яг өнгөөрөө гардаг. Гэрэлтүүлэгчид нь том, том блёстка байхгүй ч, маш гоё "гэрэл" өгдөг. 

Авсан өнгөнүүдээс дургүй өнгө гэж нэг ч байхгүй, бүгд мааш их таалагдсан. Мөн үнийн хувьд ч их боломжийн: нүдний тень-үүд нь 5 ам.доллар бол гэрэлтүүлэгч, хацар өнгөлөгчид 8 ам.доллар байдаг.

Project 333 - 333 Төсөл ба Минимализм

333 Төсөл буюу 3 сарын турш зөвхөн 33 ширхэг хувцас сонгон, түүнийгээ л өмсөх цомхон шүүгээний сорил сүүлийн үед блогуудаар их явах боллоо. Төслийн гол зорилго нь хэтэрхий их хувцас, хунар, эд хэрэглэл цуглуулсан ч хооронд нь оновчтой тохируулан өмсөж чаддаггүй, дэмий л шинэ хувцас аваад байдаг ч яг өмсөх гэхээр өмсөх юм олддоггүй, шүүгээ дүүрэн хувцастай ч, яг хаана, юу байгаагаа сайн мэддэггүй хүмүүсийг минималист, цомхон амьдралд хөтлөх юм. 33 хувцас сонгон авахадаа өөр хоорондоо маш сайн зохицдог зүйлсийг сонгох бөгөөд ингэснээр та өглөө юуг ч, юутай ч хамаагүй өмсөөд гарахад дэгжин харагдна. Хувцаслалт, шүүгээ таны өөрийн стиль, ижимийг зохион байгуулалтанд оруулснаар та илүү сайн худалдан авагч болно, учир нь танд юу зохидог, юу таардаггүй вэ гэдгийг их сайн мэдэхээс гадна, таны шүүгээнд яг юу хэрэгтэй байгааг их сайн мэдэрдэг болдог гэнэ.

333 Төслийн уриа бол BUY LESS, CHOOSE BETTER буюу илүү сайн сонголт хийж, бага худалдан ав гэсэн нь чанартай, хаана ч өмсөхөд тохиромжтой, классик загваруудыг тухайн цаг үеийн тренд болж буй, моданаас хурдан гарах, өдөр тутам өмсөхөд зохимжгүй, хямд, чанаргүй зүйлсээс илүүд үзэх гэсэн агуулгатай юм байна. 

Цөөн тооны чанартай хувцсыг сонгоно, 33хан ширхэг гэхээр таны санаанд багтахгүй байж мэдэх юм. Гэвч, анзаараад байхад бид өдөр тутамд, байнга л өмсөөд байдаг хэдхэн "дуртай" хувцаснуудтай байдаг шүү дээ. Мөн 333 төслөөр дамжуулж, хог, хаягдлыг багасгах, байгаль орчинд ээлтэй үйлдвэрлэлийг дэмжих боломжтой.

Зиа тэгэхээр хэрхэн энэ төсөлд оролцох вэ гэж үү?

Сайтар бодож байгаад ирэх 3 сарын турш өмсөх, 33 ширхэг хувцнуудыг сонгоно. Үүнд гадуур хувцас, гутал, юбка, өмд, цамц зэрэг бүх төрлийн хувцаснууд орох бол дотуур хувцас, цүнх, ороолт зэрэг аксессуарууд орохгүй. 

Танд энэ төсөл ямар санагдаж байна вэ? Сэтгэгдлээ хуваалцаарай :)

Bourjois - Healthy Mix Serum Gel foundation + Bourjois - Happy Light Base Serum Lumiere

Цаг агаар улам хүйтрэхийн зэрэгцээ агаарын чийгшил улам мууддаг намар цагт над шиг хуурай арьстай хүмүүсийн холцруутдаг зовлон эхэлдэг дээ. Маш сайн чийгшүүлэх арьс арчилгаа хийхээс гадна чийгшүүлэх үйлчилгээтэй суурь будаг хэрэглэвэхгүй бол энд тэнд нь арьс нь хуулраад байгаа ч юм шиг, нэгэ жигд биш болдог доо.

Надтай ижил асуудалтай бол энэ шүүмжийг сонирхоод үзээрэй. Bourjois нь Chanel-ийг эзэмшидэг бөгөөлд энэ хоёр брэндийн маш олон бүтээгдэхүүнүүд өөр хоорондоо их төтсэй байдаг. Healthy Mix фаундейшны чийгшүүлэх үйлчилгээтэй, хуурай арьсанд зориулсан хувилбар нь Healthy Mix Serum Gel юм. Их гоё, жимсний үнэртэй, маш амархан шингэдэг тул хуруугаараа ганц хоёр арчихад л тос түрхэж байгаа юм шиг хялбархан уусаж алга болдог нь маш их таалагдсан. Happy Light Serum Lumiere-ийг фаундейшн түрхэхээс өмнө хөнгөхөн тавьж өгөхөд өдрийн турш арьс хорчийгоод, хатсан чавга шиг болчихгүй, орой гэртээ ирээд толинд харахад овоо хүн шиг харагдаад байгаа юм даа. :) Өөг дунд зэргийн дарна, тэр нь ч таалагдаад байгаа, эмульс тавьчихсан юм шиг харагдуулахгүй, хүний нүүрний арьс хэвээр нь үлдээнэ.

Энэ хоёр бүтээгдэхүүнийг Central Tower-ын Бишрэлт Косметиксоос худалдаж авсан шүү. Яг хэдээр гэдгийг нь билл.ээ гээгээгд мартчихаж ээ, уучлаарай, ямартай нийлээд жаран мянгаас илүү гараагүй болов уу.