Mizon - Apple Smoothie Peeling Gel

Хаанаас авсан: УИД- АСА Цирк явах замд

Том, том үүрмэгтэй гуужуулагчаар нүүрээ үрж угаах нь арьсны гадаргууд орших хялгасан судаснуудыг хагалахаас гадна маш жижиг сорви, шархуудыг үүсгэдэг байна. Ийм төрлийн гель-н гуужуулагчийг маск шиг буюу цэвэрлэсэн нүүр, хүзүү дээр жигд түрхэн хэсэг хугацаанд хатаасны дараагаар угааж хэрэглэдэг ба дээр дурьдсан сөрөг нөлөө багатай байдаг.

Энэхүү гуужуулагч нь зөөлөн хэрнээ гайгүй сайн гуужуулчихдаг санагдсан. 

MISSHA - Milk to Peeling - Gentle Cleanser

Хаанаас авсан: MISSHA

Үнэ: 19800₮

Их өтгөн сүүн шингэн шиг бүтэцтэй, гуужуулагч - цэвэрлэгч. Их зөөлөн хэрнээ тун сайн гуужуулдаг юм шиг санагдсан. Нүүрээ угааж цэвэрлэсний дараа жигд түрхээд хэсэг байлгаж байгаад, зөөлөн үрж угаана. Их зөөлөн болохоор долоо хоногт гурван удаа хэрэглэсэн ч зүгээр санагдсан. Таалагдсан шүү. (:

ATTIRANCE - Apple Face Exfoliator

Хаанаас авсан: Attirance (Гранл Плазагийн 2 давхарт)

Үнэ: 50000₮

Attirance хэмээх испанийн органик брэндийн нүүрний арьс гуужуулагч. Уг брэнд 100 хувийн органик, байгалийн гаралтай бүтээгдэхүүнүүдтэй УБ-ын цөөхөн хэдэн гоо сайхны дэлгүүрүүдийн нэг. Үнэтэй талдаа ч ихэнх бүтээгдэхүүнүүд нь маш их таалагддаг. Уг гуужуулагч нь алимны ясны орцтой ба яг шинэхэн ногоон алимны үнэртэй. Яснууд нь үл ялиг том ширхэгтэй тул маш зөөлөн, болгоомтой иллэг хийх маягаар нүүрээ цэвэрлээд бүлээвтэр усаар угаана. Хэтэрхий ширүүн үрвэл нүүрний артсан дахь бичил судсууд хагарах аюултай.  Долоо хоногт 2-оос илүүгүй хэрэглэнэ. Арьсаа тогтмол гуужуулж байвал элдэв юм бага гарах ба арьс гэрэлтсэн толигор болдог. Бид дэлхийн хамгийн их агаарын бохирдолтой хотод амьдардаг учраас заавал гуужуулагч хэрэглэж гүн цэвэрлэгээ хийх шаардлагатай. Дээрх гуужуулагч миний аоьсанл маш сайн таарсан ба 7 сар хэрэглэсэн тул сард ~7000 зарсан бөгөөд маш ашигтай наймаа гэж үзсэн болно.